ဝိတိုရိယတောင် အမှတ်တရ

၁၅ရက်နေ့က ပုလဲရတု ဆရာကန်တော့ပွဲ ဒီဇင်ဘာလမှာ ကျင်းပဖို့အတွက် အီးစီအဖွဲ့ အစည်းအဝေး လုပ်ကြတယ်။ အသက်တွေ ကြီးလာပေမဲ့လည်း သူငယ်ချင်းတွေနဲ့ပြန်တွေ့တဲ့အခါတိုင်း အသက်ပြန်ငယ်
သွားသလိုပါပဲ။ ကျမရဲ့ အမှတ်တရလေးများ ဘလော့မှာကျောင်းနေ စဉ်ကာလ က ခြေလျင်တောင် တက် အသင်း လှုပ်ရှားမှုလေးကိုမှတ်တမ်းအဖြစ် တင်လိုတဲ့စိတ်ပေါ်လာပါတယ် ရပ်ဝေးရောက်သူငယ်ချင်းများ လည်း ဖတ်စေချင်တဲ့ရည်ရွယ်ချက်လေးပါတာပေါ့နော်။

မှတ်မှတ်ရရ အဲဒီနေ့လေးတစ်နေ့ ကျမတို့ အင်ဂျင်နီယာကျောင်းသူ ကျောင်းသားများအဖွဲ့ ချင်းပြည်နယ်ရှိ မင်းတပ်မြို့ကနေ ပေပေါင်း (၁၀၀၁၈)ပေ မြင့်တဲ့ ဗစ်တိုးရီးယားတောင်ထိပ်ကို တက်ဖို့ရာ အားလုံးပျော်ရွှင် .မြူးတူးနေခဲ့ကြတယ် အင်ဂျင်နီယာများ ခြေလျင်တောင်တက်အသင်း ဥက္ကဌမှ တောင်တက်ရာတွင် အစစ အရာရာ အဆင်ပြေနိုင်စေရန် ရည်ရွယ်ပြီး အဖွဲ့ခေါင်းဆောင်များ ရွေးထုတ်ကာ အုပ်စု ဖွဲ့ပေးပါတယ်။ တကယ်တော့ ကိုယ့်အုပ်စုနဲ့ကိုယ် ဆိုပေမဲ့လည်း ကျမတို့ အင်ဂျင်နီယာကျောင်းသူကျောင်းသားများအား လုံးဟာ တူညီတဲ့စိတ်ဓာတ် တပြေးညီရှိကြတဲ့အတွက် တစ်ဦးတစ်ယောက်မှာ အခက်အခဲပေါ်ပေါက်လာ တိုင်း ဝိုင်းဝန်းဖြေရှင်းပေးတတ်တဲ့ ချစ်စရာကောင်းသော စိတ်ဓာတ်ကိုယ်စီကို ပိုင်ဆိုင်ထားကြသူများဖြစ် ပါတယ်။

မင်းတပ်မြို့မှာနေစဉ် သူငယ်ချင်းများနဲ့ ဈေးဝယ်ထွက်စဉ်အမှတ်တရ

ကျမတို့အဖွဲ့နဲ့ ဆရာမ မင်းတပ်မြို့မှာနေစဉ် အမှတ်တရ

တောင်ထိပ်မရောက်ခင် ကျမတို့အုပ်စုဟာ ရှည်လျားတဲ့ မီးခိုးတန်းကြီးကို ဖြတ်ကျော်ရပါတယ် ။ ကျမလည်း အသက်ရှူကြပ်လာပြီး လူကရှေ့ဆက်ဖို့ရာ ဒုက္ခရောက်နေချိန်မှာ သူငယ်ချင်းနှစ်ယောက်ရဲ့ ကူညီဖေးမမှုကြောင့် အခက်အခဲကို ကျော်လွှားနိုင်ခဲ့ပါတယ်။ ဒီအဖြစ်အပျက်ကို မှတ်တမ်းကျန်စေဖို့ ရအောင်ဓာတ်ပုံရိုက်ပေးခဲ့တဲ့ သူငယ်ချင်းကိုလဲ ကျေးဇူးတင်နေပါတယ်။

ညရောက်တော့လဲ ရာသီဥတုကအေး တောကနက်ဆိုတော့ ချမ်းကလည်းချမ်း သားကောင်လာမှာလည်း ကြောက်ကြတာကြောင့် အဖွဲ့လိုက် မီးပုံများလုပ်ပြီး အလှည့်ကျအိပ်ကြပါတယ်။ ကျားရှိတယ်လို့လည်း ရွာသားတွေကပြောလိုက်တာကိုး။

 ဒီလိုနဲ့ပဲ တောင်ထိပ်ကိုရောက်တဲ့အခါမှာ အုပ်စုလိုက် မှတ်တမ်းဓာတ်ပုံတွေရိုက်ကြတယ်။ တောင်ထိပ်မှာ အလံစိုက်တယ်။ အင်ဂျင်နီယာ ခြေလျင်တောင်တက်အဖွဲ့တစ်ဖွဲ့လုံး စုပြီးအမှတ်တရ ဓာတ်ပုံများရိုက်ကြတယ်။ တောင်ထိပ်ကဘုရားလေးမှာလည်း အမှတ်တရ ကမ္ဗည်းတွေထိုးခဲ့ကြတယ်။

ဝိတိုရိယတောင် အမှတ်တရလေးကို ကျမရဲ့မှတ်တမ်းလေးအဖြစ် ခြေရာထားခဲ့လိုခြင်းဖြစ်တဲ့အတွက် ဒီဘလော့မှာ ပို့စ်တစ်ခုအဖြစ် တင်ခဲ့ပါတယ်။

မေတ္တာဖြင့်

အန်တီတင့်