တီတင့် (စက်မှု တက္ကသိုလ်): ဘဝအတွက် အိပ်မက်တချို့

ကျမ အသက် (၁၃)နှစ်မှာ ကျမရဲ့ဖေဖေက တောင်ပိုင်း ရှမ်းပြည် ကျိုင်းတုံမြို့မှာ တာဝန်ကျတော့ မိသားစု အားလုံး ဖေဖေနဲ့အတူ လိုက်သွားကြပါတယ်။ ကျမတို့နေတဲ့ တစ်ထပ် အိမ်လေးက တောင်ကုန်းမြင့်လေး အပေါ်မှာ တည်ရှိပြီး အိမ်ရဲ့အရှေ့ အပြင်ဖက်ကို ထွက်လိုက်ရင်ကားဝင်တဲ့ ဆင်ဝင်ကို တွေ့ရမှာဖြစ်ပါတယ် အဲဒီဆင်ဝင်ကိုဖြတ်လျှောက်လိုက်ရင် လေးပေ အကျယ်ရှိတဲ့ လူသွားစင်္ကြံရှည် တစ်ခုကို တွေ့ရပြီး အဲဒီစင်္ကြံ ကို ဆက်လျှောက်သွားရင် မြေနိမ့်ပိုင်း တနည်းဆိုရရင် အောက်ခြံကို ဆင်းနိုင်ဖို့အတွက် (၁၀)ထစ်ခန့်ရှိတဲ့ ၊တောင်ခါးပန်း လှေခါးထစ် တစ်ခုရှိပါတယ်။ လူသွား စင်္ကြံရဲ့ တစ်ဖက် တစ်ချက်မှာတော့ မြက်ခင်းပြင် ရှည်ကြီး ရှိပြီး မြက်ခင်းပြင် တစ်လျှောက်လုံးရဲ့ အစပ်မှာ တစ်ပင်နဲ့ တစ်ပင် လေးပေစီခြားပြီး စိုက်ထားတဲ့ သလဲသီးပင်တွေကို တွေ့ရပါတယ်။ သလဲသီးပင် အရေအတွက် စုစုပေါင်း အပင် လေးဆယ်ခန့် ရှိပါတယ်။

ခြံဝင်းထဲကိုဝင်တဲ့ ကားဝင်ပေါက်ကို အဝင်နဲ့ အထွက်ဆိုပြီး နှစ်ပေါက်ထားရှိပြီး ခြံအပြင်ဖက် ကားအဝင်လမ်း နဲ့ အထွက်လမ်းမှာ ချယ်ရီပင်များ မျက်စိတစ်ဆုံး စိုက်ထားတာကို တွေ့ရပါတယ်။ ခြံဝင်းအတွင်း အိမ်ရဲ့ ဘယ်ဖက်အခြမ်းမှာ အာဖရိကန်ဒေစီရောင်စုံ ပန်းပင် အပင် တစ်ရာကျော်ခန့်ကို မြောင်းဘောင်လေးတွေ လုပ်ပြီး စံနစ်ကျစိုက်ထားသလို အိမ်ရဲ့ ညာဖက်အခြမ်းမှာ မက်မွန်သီးပင် မက်မန်းသီးပင် ကျွဲကောသီးပင် တို့ကို စံနစ်တကျ စီစီရီရီ စိုက်ထားတာကို တွေ့ရပါတယ်။ ကားဆင်ဝင်ဘေး တစ်ဖက်တစ်ချက်မှာတော့ စပယ်ရုံကြီးတွေတန်းစီပြီး စိုက်ထားပြန်ပါတယ်။ စပယ်ရုံတွေရဲ့ အဆုံးမှာ ကျားပါစပ်ပန်း နှင်းပန်း ပေါ်ပီ ပန်းနဲ့ ကျမ အမည်မသိတဲ့ ပန်းပင် သုံးမျိုးလောက် ရှိပါတယ် ၊ရေချိုးခန်းနှင့်ကပ်လျက် အပြင်ဖက်တွင်
ရွှေပင် ၊ငွေပင်တို့ကို စိုက်ထားပါတယ်။ ခြံထဲတွင်လည်း ထင်းရူးပင်များ တော်တော်များများ ရှိပါတယ်။

မြေနိမ့်ပိုင်းဖြစ်တဲ့ အောက်ခြံရဲ့ တပြင်လုံးမှာတော့ ရာသီပင်များကို စိုက်ပျိုးတာတွေ့ရပါတယ်။ နာနတ်သီး ပင် အားလူး၊ ပြောင်း၊ ပန်းဂေါ်ဖီ ဂေါ်ဖီထုပ် နိုကိုဥ စိမ်းစားဥ အစရှိတာတွေကို ပြောင်းလဲစိုက်တာ တွေ့ရ ပါတယ်။ ကျမရဲ့ ကျွေးမေမေကလည်း သူကိုယ်တိုင် အိမ်ရဲ့နောက်ဖေးဖက်မှာ စိုက်ခင်းလေး တစ်ခုလုပ်ပြီး အဲဒီစိုက်ခင်းလေးထဲမှာ ငြုပ်သီးပင် ခရမ်းသီးပင် သခွားသီးပင် ရုံးပဒေသီးပင် ပဲစောင်းလျား ဗူးပင် ဂေါ်ရခါး ပင် ရွှေပဲသီးပင် ပဲတောင့်ရှည်ပင် ပဲလင်းမြွေသီးပင် အစရှိတာတွေကို စိုက်ထားပါတယ်။ ရာသီအလိုက် သစ်သီးမျိုးစုံ ပန်းမျိုးစုံနဲ့ စုံလင်အောင် စိုက်ပျိုးထားတဲ့ အဲ့ဒီလိုအိမ်မျိုးကို ကျမသက်တမ်းတစ်လျှောက်မှာ တစ်ကြိမ်တစ်ခါမျှ မကြုံဖူးခဲ့ပါဘူး နောက်တစ်ခေါက် ကြုံဖို့ရာဆိုတာလည်း ဖြစ်နိုင်ချေမရှိသလောက်ပါပဲ။ ကျိုင်းတုံ အိမ်လေးမှာနေစဉ်က ကျမအတွေးတစ်ခုကို တွေးခဲ့ဖူးပါတယ်။ လက်တွေ့ မဖြစ်နိုင်သေးတဲ့ အချိန် ကာလတုန်းက အတွေးဆိုတော့လည်း စိတ်ကူးယဉ် အိပ်မက်လေး တစ်ခုပေါ့လေ။

ရှမ်းပြည်မှာနေစဉ်က ကျမသဘောကျတဲ့ ချယ်ရီ ထင်ရူး အစရှိတဲ့ အပင်မျိုးတွေ ကျမရဲ့ ခြံမှာ ကြိုးစားစိုက် .ပေမယ့် ရန်ကုန်ရဲ့ ရာသီဥတုကြောင့်ရယ် ကျမကိုယ်တိုင် သေချာ မပြုစုတတ်တာကြောင့် အောင်မြင်မှု မရှိပါဘူး ဒါပေမဲ့ အကောင်းဆုံး စိတ်ကူးစိတ်သန်းလေးနဲ့ နွေခေါင်ခေါင် အပူပြင်းတဲ့ ရာသီတွေမှာ အရိပ် အာဝါသ ရှိပြီး အေးချမ်းမှုလည်းရ ၊ ရာသီချိန်မှာလည်း ပန်းပွင့်ရင် ဘုရားပန်း ကပ်နိုင်စေရန် တခြား အပင် ကြီး အပင်ငယ်တွေဖြစ်တဲ့ ခရေ နှင်းသီးပင် ကံကော် သပြေ အုန်း ကွမ်းသီး ပိတောက် သီဟိုလ် သရက် သြဇာ မာလကာ ဇီး သင်္ဘောပင် တို့ကို တစ်နိုင် စိုက်ခဲ့ပါတယ်။ ရှမ်းပြည်ရဲ့ ရောင်စုံပန်းပေါင်း စုံ နေရာမှာ .တော့ ကျမ ရောင်စုံ သစ်ခွပန်းလေးတွေ အစားထိုးစိုက်ခဲ့သလို အာဖရိကန်ဒေစီ ပန်းအစား ရန်ကုန်မှာ အလွယ်တကူဖြစ်တဲ့ ပိန်းပန်းရောင်စုံကို အစားထိုးစိုက်ခဲ့ပါတယ်။ ရွက်လှအမျိုးမျိုး အပြင် ကြာပန်းလေးတွေ ကို နှစ်သက်တာကြောင့် ကြာကန်ကြီးမလုပ်နိုင်တဲ့အတွက် အင်္ဂတေ စည်ပိုင်းလေးနဲ့ ကြာကို စိုက်ခဲ့ပါတယ်။ ကျမရဲ့ ခံယူချက်အတိုင်း မရနိုင်တာကို တမ်းတနေမည့် အစား ရနိုင်တာလေးနဲ့ အကောင်းဆုံးအစားထိုးပြီး တချိန်တုန်းကမျှော်လင့်ခဲ့တဲ့ ဘဝအတွက် အိပ်မက်လေးတချို့ကို အကောင်အထည်ဖော်ခဲ့ပါတယ်။

(အခု ကျမက တစ်နယ်တစ်ကျေး ရောက်နေတာမို့ ဓာတ်ပုံရိုက်စဉ်က ကျန်နေခဲ့တဲ့ ပိန်းပန်းပင်နဲ့ ကွမ်းသီးပင်တို့ကို မျက်စိထဲမှာမြင်ယောင်ပေးကြပါနော်း) အကြောင်း အရာလေးတွေ ဖတ်ရာမှာလဲ ကွက်ကွက်ကွင်းကွင်း ပေါ်လွင်မှုမရှိပဲ ဇဝေဇဝါဖြစ်နေရင်လည်း နားလည်ခွင့်လွှတ်ပေးကြပါလို့ တစ်လက် စထဲ မေတ္တာရပ်ခံပါရစေနော်)