3.9.11
အုန်းနို့ခေါက်ဆွဲ - နို့ခေါက်ဆွဲ
ဒီမနက် ကျမအိမ်မှာ စာဖတ်သူများအားလုံး စားဘူးနေကျဖြစ်တဲ့ အုန်းနို့ခေါက်ဆွဲ ချက်ပါတယ်။ အုန်းနို့နဲ့ မတည့်သူတွေအတွက်လည်း တစ်ခါတည်း နွားနို့ခေါက်ဆွဲပါ ချက်ပေးလိုက်တယ်နော်။ အုန်းနို့ခေါက်ဆွဲ ဆိုပေမယ့် အုန်းနို့ကိုနည်းနည်းပဲ သုံးထားတာမို့ ခေါင်းကိုက်တတ်သူများ ကြက်သွန်နီနဲ့ အချဉ်များများထည့် စားရင်ဖြင့် အဆင်ပြေသွားမှာပါနော်။
အသုံးပြုတဲ့ပစ္စည်းတွေကတော့-
ခေါက်ဆွဲ ကြက်သား ငါးဖယ် ဘဲဥ အုန်းနို့ နွားနို့ အီကြာကွေး ကျွတ်ကျွတ်ကြော် ကြက်သွန်နီ ဖြူ ဂျင်း ငရုပ်မှုန့် (ဆီသတ်ရန်) ငရုတ်မှုန့်(အကျက်) ဆား ငံပြာရည် ပဲမှုန့်(အစိမ်း) သံပုရာသီး တို့ဖြစ်ပါတယ်။
ခေါက်ဆွဲ
ကြက်သွန်နီ(ဥသေးကို ခေါက်ဆွဲအရည်တွင်သုံးရန်ဖယ်ထားပါ)၊ အကျွတ်ကြော် နှင့်ပဲမှုန့်စိမ်း
နွားနို့၊ အုန်းနို့
ဘဲဥ
ဘဲဥကို အထက်ပါအတိုင်းစိတ်ထားပါ
ဆီသတ်ရန် ကြက်သွန်နီ ကြက်သွန်ဖြူ ဂျင်း
ငါးဖယ်လုံးကြော် နှပ်ထားသော ကြက်သားတုံး ပါးပါးလှီးပြီးကြက်သွန်နီ အုန်းနို့ရည်နှင့် အကျွတ်ကြော်
ကြက်သားကို အသားချည်း အတုံးသေးလေးတွေတုံးပါ။ အသားတုံးလေးများကို ဆား ဆနွင်း ငံပြာရည်တို့နှင့် နယ်၍နှပ်ထားပါ။ အသားနွှင်ပြီးအရိုးကို ဆား ငံပြာရည်တို့နှင့် နယ်ထားပြီး ကြက်သွန်ဖြူ ဂျင်းအနည်းငယ် ထောင်းပြီးကာ ရေနှင့်ပြုတ်ထားလိုက်ပါ။ အဆင်သင့်ရသော ငါးဖယ်လုံးများကို မိမိနှစ်သက်တဲ့အရွယ်ကို လှီးထားပါ။ ပဲမှုန့်အစိမ်းကို အရည်ဖျော်ထားပါ။
ကြက်ရိုးများကို ဆား ကြက်သွန်ဖြူ ဂျင်း ငံပြာရည်တို့ဖြင့် ပြုတ်ထားပါရန်
့
ပဲမှုန့်စိမ်းအရည်ကို ၁နာရီခန့်ပွက်စေပြီးမှ နှစ်အိုးခွဲပါတယ်
တစ်အိုးတွင် အုန်းနို့ရည်ထည့်ခြင်းဖြင့် အုန်းနို့ခေါက်ဆွဲချက်ပါတယ်
ကြက်သွန်နီ ကြက်သွန်ဖြူ ဂျင်း(အနည်းငယ်)တို့ကို ဒန်အိုးတွင်ဆီသတ်ပါ။ အနံ့မွှေးလာသောအခါ နယ်၍ နှပ်ထားသော ကြက်သားတုန်းလေးများကို ထည့်ပြီးမွှေပါ။ ထို့နောက် ဖျော်ထားသော ပဲမှုန့်အစိမ်းရည်ကို ထည့်ကာ ဆား ငံပြာရည်တို့ကို အသင့်အတင့်ထည့်ပါ။ ကြက်ပြုတ်ရည်ကို အရည်စစ်ထည့်ပြီးလျှင် ကျန်သော အရိုးများကို နောက်တစ်ရည် ထပ်ပြုတ်ပါ။ ကြက်ပြုတ်ရည်ရဲ့ အချိုဓာတ်ဖြင့် အရသာကို ကောင်းမွန်သဖြင့် အချိုမှုန့်မသုံးပါ။ ပဲမှုန့်များအောက်ခြေ မကပ်စေရန်အတွက် သတိထားမွှေပေးပါ။ အချိန်အနည်းဆုံး ၁နာရီ ခန့် အပွက်ခံခြင်းဖြင့် ပဲစိမ်းနံ့ပျောက်သွားပါလိမ့်မည်။ ထိုအခါ ငါးဖယ်ကိုထည့်ပြီး ဆက်ပွက်စေကာ ၁၀မိနစ်အကြာတွင် ဟင်းရည်ကို အိုးနှစ်တွင်ခွဲထည့်ပါ။
တစ်အိုးတွင်အုန်းနို့ရည်၊ ကြက်သွန်ဥနီ(အသေး)တို့ကို ထည့်ပြီးဆက်ပွက်ပါစေ။ နောက်တစ်အိုးတွင် နွားနို့၊ ကြက်သွန်ဥနီ(အသေး) တို့ကို ထည့်ပြီးဆက်ပွက်ပါစေ။ အရည်အနည်းငယ်ခမ်းသွားလျှင် ထပ်ပြုတ် ထားသော ကြက်ရိုးအရည်ကို မျှထည့်ပါ။ မိနစ်အနည်းငယ် အပွက်ခံပြီး ကြက်သွန်နီဥနူးလျှင် စိတ်ထားသော ဘဲဥကို အိုးနှစ်လုံးတွင် ဟင်းရည်ပမာဏအလိုက် လိုအပ်သလိုထည့်ပါ။ အုန်းနို့ခေါက်ဆွဲ ဟင်းအရည်နှင့် နို့ခေါက်ဆွဲအရည်တို့ကို ရပါပြီ။ အကျွတ်ကြော်ကို ဆီပူပူနှင့်ကြော်ထားလိုက်ပါ။
ပါးပါးလှီးထားသောကြက်သွန်နီ သံပုရာသီး ငရုပ်အကျက်မှုန့် ငံပြာရည်တို့ကို အဆင်သင့်ပြုလုပ်ပါ။
စားသုံးဖို့အဆင်သင့် ခေါက်ဆွဲတစ်ပွဲရပါပြီ
အချဉ် အစပ် အငံတို့ကိုတော့ စိတ်တိုင်းကျထည့်ပြီး သုံးဆောင်ပါ
ခေါက်ဆွဲကို ပါးပါးလှီးထားသော ကြက်သွန်နီ၊ ငရုပ်မှုန့် (အကျက်)၊ သံပုရာရည် အကျွတ်ကြော် အီကြာကွေး တို့ကို ထည့်ကာ အပေါ်မှ အုန်းနို့အရည်ဖြစ်စေ နို့ရည် ဖြစ်စေထည့်ခြင်းဖြင့် အုန်းနို့ခေါက်ဆွဲ သို့မဟုတ် နို့ ခေါက်ဆွဲတစ်ပွဲရပါပြီ။ (လွယ်တယ် မဟုတ်လား? စမ်းချက်ကြည့်နော်။စေတနာဟင်းမှုန့်လေး ထည့်ခတ် ထားတော့ စားလို့မြိန်မှာသေချာတယ်း))
မေတ္တာဖြင့်
အန်တီတင့်
ခဏစောင့်ပါ...