19.10.11

ခြောက်ထပ်ကြီးဘုရားနှင့် ကိုးထပ်ကြီးဘုရား


စာဖတ်သူများကို ကျမကြိုတင်တောင်းပန်လိုတာကတော့ ယခု တစ်ခြားတစ်နေရာကို ရောက်နေတာကြောင့် ဘုရားကြီးများနဲ့ပတ်သက်ပြီး သမိုင်းအသေးစိတ်ကို စုံစုံလင်လင်လေးထည့်ရေးဖို့ အခက်အခဲရှိတဲ့အတွက် အဆင်ပြေသလို ပုံတော်များနဲ့အတူ တင်ပေးသွားမှာဖြစ်ပါတယ်။ မပြည့်မစုံဖြစ်တဲ့အတွက် နားလည်သည်းခံ ကြပါလို့ (ဒီတစ်ခေါက် ဘုရားဖူးသက်သက်မို့ နောက်တစ်ကြိမ်မှာ အစားအသောက်လေးတွေ စီစဉ်ပေးတော့ မယ်နော်း))

ခြောက်ထပ်ကြီးဘုရားသမိုင်း
ခြောက်ထပ်ကြီး ရွှေသာလျောင်း ဘုရားကြီးကို ၁၂၆၉-ခုနှစ် (ခရစ်နှစ် ၁၉၀၇)တွင် ပွဲစားကြီး ဆာဘိုးသာက စတင် တည်ဆောက်ခဲ့ပါသည်။ ခြောက်ထပ်ကြီးရွှေသာလျောင်း ဘုရားကြီးကို တည်ဆောက်ရာတွင် (၆)နှစ် ကြာခဲ့ပါသည်။ မူလဘုရားကြီးမှာ အနောက်တောင်အရပ်သို့ မျက်နှာတော်မူပြီး အုံးတော်၌ လက်ထောက် လျက် ခန္ဓာကိုယ်တစ်ပိုင်း မတ်နေသော ဧည့်ခံပုံတော် ဖြစ်ပါသည်။ စတည်ဆောက်ခဲ့သော ပန်းရံဆရာကြီး များ အခြေ အနေအရပ်ရပ်ကြောင့် ကုလားပန်းရံဆရာများ ဆက်လက်တည်ဆောက်ခဲ့ကြရာ ဘုရားရုပ်ပွား ပုံသဏ္ဍာန် ဖမ်းသည့် ပညာ မတတ်မြောက်သဖြင့် ပြေပြစ်ကြည်ညိုဖွယ်ရာ ဖြစ်စေရန် မတည်နိုင်ခဲ့ပါ။ လက်ရာများမှာ အဆင့်မမီသဖြင့် ခိုင်ခန့်မှုမရှိသည်ကို နောက်နှစ်ပေါင်းများစွာကြာမှ တွေ့ခဲ့ရပါသည်။
ထို့ကြောင့် ခြောက်ထပ်ကြီး ဘုရားကြီးတိုက် စတင်တည်ထောင်ခဲ့သော ဆရာတော်ကြီး အဂ္ဂမဟာ မဏ္ဍိတ ဘဒ္ဒန္တ ကောဏ္ဍညမဟာထေရ်အကြောင်း ပူးတွဲဖော်ပြမှာသာ ပြည့်စုံနိုင်မည်ဖြစ်သည်။ ဘုရားကြီးပြန်လည် တည်ဆောက်ရေးအတွက် ဆရာတော်ကြီးသည် မနားမနေ ကြိုးစားအားထုတ် ကြံစည်ခြင်း၊ သြဝါဒစရိယ ဆရာတော်များနှင့် လည်းကောင်း၊ တပည့်ရဟန်းသံဃာ လူပုဂ္ဂိုလ်များနှင့်လည်းကောင်း တိုင်ပင်ဆွေးနွေး၏။ ဘုရားကြီး ပြုပြင်ရန် စိတ်ဆန္ဒ ထက်သန်ပြင်းပြနေသောကြောင့် ပင်ပန်းသည် မထင်ဘဲ ဆောင်ရွက်တော် မူခဲ့ရာ ရုပ်တရားများက ယိမ်းယိုင်ပြိုကွဲစ ပြုလာပါသည်။ ၁၃၁၉-ခုနှစ် သက်တော်(၇၁)နှစ်၊ ဝါတော် (၅၁) ဝါတွင် ဆရာတော်ကြီး ပျံလွန်တော်မူပါသည်။ ထိုအခါဘုရားကြီး ပြန်လည်တည်ဆောက်ရေး ဆောက်လုပ်ရန် လုပ်ငန်းများကို ဆရာတော်ကြီးကိုယ်စား ဘုန်းကြီးဦးစန္ဒောဘာသအား တင်မြှောက်အတည်ပြု ဆုံးဖြတ်ခဲ့၏။








ကိုးထပ်ကြီး ဘုရားသမိုင်း
အတုလာဓိပတိ မဟာမုနိသကျ ကိုးထပ်ကြီးဘုရားကြီးသည် ရန်ကုန်မြို့ စမ်းချောင်းမြို့နယ် အတွင်း၌ တည်ရှိ သည်။ ရှေးကမင်းလေး မင်းကြီးနှင့်တကွ (၃၇)မင်းတို့ စံပျော်ရာ နတ်တိုက်ကြီးများ (နတ်ကွန်းကြီးများ) ကို ဖျက်သိမ်း၍ နတ်ကွန်းအသစ်များ ဘုရားကြီး၏ လက်ဝဲဘက်အဝင်ဝ၌ တည်ဆောက်၍ ရွှေ့ပြောင်းကာ အပူဇော်ခံထားရှိလေသည်။ “ကိုးထပ်ကြီးဘုရားကို တစ်ရက်မရောက်လျှင် တစ်ခေတ်နောက်ကျသွားနိုင် သည်” ဟု ပြောရမလောက်ပင်၊ ကိုးထပ်ကြီးဘုရား၏ တန်ခိုးအလျောက် အကျိုးမြောက်အောင် ထိုးဖောက် ပွင့်လင်းလာသည်ကို မျက်မြင်ဖူးတွေ့ပြီး ထူးပေ့ဆိုတဲ့ အရာဝတ္ထုများကို ကြုံတွေ့ခံစားရမည် ဖြစ်ပေသည်။

ဤကိုးထပ်ကြီးဘုရားကြီးသည် ခေတ်ကာလအလျောက် ရန်ကုန်မြို့၌ ကြီးကိုးကြီးတွင် ပါဝင်၍ သမိုင်းဝင်ဖြစ် ကာနေလေသည်။

ကြီးကိုးကြီးမှာ
၁။ ကိုးထပ်ကြီး
၂။ ခြောက်ထပ်ကြီး
၃။ ငါးထပ်ကြီး
၎။ မဟာမင်္ဂလာ ဆုတောင်းပြည့်ဘုရားကြီး
၅။ ကြေးသွန်းဘုရားကြီး
၆။ ရွှေခေါင်းလောင်းတော်ကြီး
၇။ နောင်တော်ကြီး
၈။ ချမ်းသာကြီး
၉။ ရဟန္တာသိမ်တော်ကြီး တို့ဖြစ်ပါသည်။
အတုလာဓိပတိ မဟာမုနိသကျ ဘွဲ့တော်သ၍ ကိုးထပ်ကြီးဘုရားမည်ပုံကို မုနိကိုးဆူမြောက်ဖြစ်၍ ထိုဘွဲ့တော် ရရှိကြောင်း။ “စမ်းချောင်းနဂရေ ဗားကရေ” စသော ပဏာမကိုရေးဖွဲ့၍ ရှေးကျောက်စာ အရ ဖြစ်ကြောင်း ရှင်းလင်းတင်ပြထားပေသည်။ ကိုးထပ်ကြီးဘုရားကြီး၏ သမိုင်း အစ တိမ်မြုပ်နေမှုကို “နိမိတ်ကောင်းရန် တိတ်ကြောင်းဖန်” စသော ခေါင်းစည်းဖြင့် ရာဇဝင် နိပါတ်များ ခိုင်လုံသော ယုတ္တိသာဓက အထောက်အထား များစုံလင်စွာ ဖော်ထုတ်ညွှန်းဆိုလျက် “ကိုးထပ်ကြီးဘုရားသမိုင်းကို အထင်ကရ အမြင်လှအောင်” အရှင် ဘဒ္ဒန္တစရိယက တင်ပြခြင်းဖြစ်ပါသည်။











လောကလူသားအားလုံး စိတ်ဓာတ်အစဉ်ကြည်လင်အေးမြ ချမ်းသာသုခနဲ့ပြည့်ဝကြပါစေ။

မေတ္တာဖြင့်
အန်တီတင့်

ခဏစောင့်ပါ...

 
©2012 အန်တီတင့်၏ အမှတ်တရလေးများ | Design by Mozz