24.2.16

ပခုက္ကူရောက်ခဲ့စဉ် ဘုရားဖူးမှတ်တမ်း


အခုတစ်ခေါက် ကျမ ဖူးခွင့်ရခဲ့တဲ့ များစွာသော ဘုရား စေတီပုထိုးများအနက် ပခုက္ကူမြို့နယ် ရွှေတန့်တစ် သရက္ခန်ဘုရား၊ ပခန်းကြီးသရက္ခန်ဘုရားနဲ့ ရွှေကူ တံကဲတော်တို့ အကြောင်း ရေးသားလိုပါတယ်။
သိကြားမင်းသည် ဘုရားသာသနာတော်ကို အဓွန့်ရှည်စွာစောင့်ရှောက် ဆောင်ရွက်လိုသော စိတ်ကောင်း စေတနာရှိသူ အလောင်းစည်သူမင်းကြီးအား အ၀န်းဆယ်ယူဇနာ တိုင်တိုင်မွှေးကြိုင်သော သရက္ခန်သားကို ဖြတ်၍ ‘အရှင်မင်းကြီး ဤသရက္ခန်သစ်သားကား ဆယ်ယူဇနာ တိုင်တိုင် မွှေးကြိုင်သင်းပျံ့၍ ရှင်ဂေါတမ ရုပ်တုတော် ငါးဆူထု၍ ဓာတ်တော်နှစ်ခုစီ ဌာပနာ ကိုးကွယ်ရသည် ရှိသော် မြင်းမိုရ်တောင်မက အကျိုးကြီးမြတ်ပါသည်’ ဟုဆို၍ သရက္ခန် အနှစ်တုံးကို ပေးအပ်လိုက်၏။ ထို့နောက် (၁၂) တစ်ဆယ့်နှစ်ဆူသော ဓာတ်တော်တို့ကိုပါ ပေးအပ်ပြန်၏။
အလောင်းစည်သူမင်းကြီးသည် သိကြားမင်းဆက်သသော သရက္ခန် အနှစ်တော်နှင့် ဓာတ်တော်များကို ရွှေခွက်ဖြင့် ခံယူတော်မူဆဲ ခဏ၌ပင်လျှင် မြေငလျင် သုံးကြိမ်လှုပ်၏။ သိကြားမင်း ၀ိသကြုံနတ်နှင့်တကွ တောစောင့်နတ် တောင်စောင့်နတ်တို့သည် သာဓုသုံးကြိမ် ခေါ်ဆိုကြပြီး သာသနာတော် အဓွန့်ရှည်ရေးကို ကောင်းစွာဆောင်ရွက်အပ်သော သာသနာ့ ဒါယကာ ဖြစ်ပေသည်ဟု ကောင်းချီးပေးကြကုန်၏။
အလောင်းစည်သူမင်းကြီးသည် လက်တော်သို့ သရက္ခန် အနှစ်ရောက်သော် ဤသရက္ခန်သစ်သားကား သေးငယ်လှသည်၊ မည်ကဲ့သို့ ရုပ်တုတော် ငါးဆူ ထုရပါမည်နည်းဟု ဆိုလျှင် သိကြားမင်းက ‘အရှင်မင်းကြီး အကျွန်ုပ်ထုလုပ်ပေးပါမည်၊ ပြန်လည်ပေးအပ်လော့’ ဟု ဆိုလျှင် မင်းကြီးက ပြန်ပေးအပ်လိုက်၏။
သိကြားမင်းသည် နတ်တို့တန်ခိုးအားဖြင့် ဖန်ဆင်းနိုင်ပါသော်လည်း မင်းကြီး၌ ပါသော ပန်းပု လက်သမားတို့အား နည်းနာနိဿယ ရကြစေခြင်းအကျိုးငှာ စူး၊ ဆောက်၊ ဓားငယ်အတန် ဖန်ဆင်း၍ လက်လေးသစ်ခန့် ရုပ်တုတော် ငါးဆူထုလုပ်ပြီးလျှင် စူးစာ၊ ဆောက်စာ၊ ဓားငယ်စာ အမှုန့်များကို သစ်စေးသားရိုးတို့နယ်၍ ရုပ်တုတော် ထုလုပ်ကာ မြတ်ပေါင်းမဉ္ဇူ သမုတ်၏။ စုစုပေါင်း ရုပ်ပွားဆင်းတုတော် ခြောက် ဆူကို-
၁။ ပထမသရက္ခန် ရုပ်ပွားဆင်းတုတော်
၂။ ဒုတိယသရက္ခန် ရုပ်ပွားဆင်းတုတော်
၃။ တတိယသရက္ခန် ရုပ်ပွားဆင်းတုတော်
၎။ စတုတ္ထသရက္ခန် ရုပ်ပွားဆင်းတုတော်
၅။ ပဉ္စမသရက္ခန် ရုပ်ပွားဆင်းတုတော်
၆။ ဆဌမသရက္ခန် ရုပ်ပွားဆင်းတုတော် ဟု
အက္ခရာ ကမ္ဗည်း အမှတ်တံဆိပ် ရိုက်နှိပ်၍ မင်းကြီးလက်သို့ အပ်နှင်း၏။
အလောင်းစည်သူမင်းကြီးသည် ရုပ်တုတော်ခြောက်ဆူတို့ကို လက်ခံရရှိသောအခါ သေသေချာချာ ကြည့်ရှုဖူးမျှော်ပြီးလျှင် ရုပ်တုတော်ခြောက်ဆူမှာ ပလ္လင်နိမ့်သည်ဖြစ်၍ ဆင်ပလ္လင်ခံရသည်ရှိသော် သင့်တော်မည်ဟု စိတ်ကူး၍ ပန်းချီသမားကို ပုံစံရေးစေပြီး လက်သမားအား ပုံစံအပ်သည်ကို ကျွန်းဦးစောင့်နတ်တို့ ကြားရသဖြင့် ဟိမ၀န္တာတော၌ ပေါက်ရောက်သော ဆင်ရေသဏ္ဍန်ရှိ သစ်သား ခြောက်ဖြတ်တို့ကို ဘုရားခြောက်ဆူရှေ့တော်တွင်ထား၏။
၁။ ပထမပလ္လင်တော်တွင် ဆင်ရုပ် ၁၅ စီး။
၂။ ဒုတိယပလ္လင်တော်တွင် ဆင်ရုပ် ၁၄ စီး။
၃။ တတိယပလ္လင်တော်တွင် ဆင်ရုပ် ၁၃ စီး။
၎။ စတုတ္ထပလ္လင်တော်တွင် ဆင်ရုပ် ၁၂ စီး။
၅။ ပဉ္စမပလ္လင်တော်တွင် ဆင်ရုပ် ၁၁ စီး။
၆။ ဆဌမပလ္လင်တော်တွင် ဆင်ရုပ် ၁၀ စီး အစရှိသည်တို့ကို ကျွန်းဦးစောင့်နတ်တို့ ပို့ဆက်သော ဆင်ရေသဏ္ဍာန်နှင့်တူသည့် သစ်တို့ဖြင့် ထုလုပ်စေလေသည်။
အလောင်းစည်သူမင်းကြီးသည် သိကြားမင်းဆက်သသည့် ခြောက်ဆူသော ဘုရားတို့ကို လှေယာဉ်စကြ်ာထက်၌ အနေအထား သင့်တင့်စွာ ထားတော်မူစေပြီးလျှင် ယမထာကြိမ်လုံးဖြင့် သုံးချက် ၀င့်သည်ရှိသော် မလှော်မခတ်ဘဲ လှေယာဉ်စကြ်ာဖြင့် ပေါက္ကံနာဂရသို့ ပြန်ကြွတော်မူရာ-
ဒုတိယသရက္ခန်ရုပ်ပွားဆင်းတုတော်
ဒုတိယဆင်တော် နာဂရွှေကြီးသည် ဧရာဝတီမြစ်၏ မြောက်ဘက်ကမ်း ပိုက်ကွန်ရွာ တောင်တော်တွင် ဖီလာတန့််တစ် မသွားဘဲတောချုံကို လက်မောင်းတန်းလျက်နေ၏။ ထိုအရပ်သည် ဂေါတမဘုရားအလောင်း ရွှေငါးကြင်း ဖြစ်သောအခါက နေဖူးသောအရပ်တည်း။ အလောင်းစည်သူမင်းကြီးသည် မုဌောစေတီကို ဖြိုဖျက်၍ မြောက်သို့ ဂူတိုက်လိုဏ်ဝထုတ် တည်စေပြီး သက္ကရာဇ် ၄၈၁-ခုနှစ် ကဆုန်လ လိုဏ်သွင်းပွဲ ပူဇော်ကျင်းပတော်မူ၏။ ဆင်တော် နာဂရွှေကြီး မသွားတန့် တစ်နေ၍ ဂူလိုဏ်သွင်းရ၏ဟု ဆိုသည်ကို အစွဲပြု၍ ရွှေတန့််တစ်ဟု ခေါ်ဝေါ်ကြကုန်၏။
တတိယသရက္ခန် ရုပ်ပွားဆင်းတုတော်
တတိယ နာဂရန်နှိမ်ဆင်တော် လွှတ်ပြန်သော် ပုခန်းကြီးမြို့၏ အနောက်မြောက် ကုလလေးတာ သုံးထောင်ကွာ တောင်မကြီး၏ အရှေ့မျက်နှာက နှာမောင်းမော့၍ ရပ်လေ၏။ ထိုတောင်မကြီးထိပ်၌ သီရိဓမ္မာသောကမင်းကြီး တည်ထားကိုးကွယ်ခဲ့သော မုဌောစေတီကို ထပ်မံ၍ ဂူလိုဏ်တည်လုပ်စေပြီး သက္ကရာဇ် ၄၈၁-ခုနှစ်၊ တန်ဆောင်မုန်းလ လိုဏ်သွင်းပွဲ ပူဇော်ကျင်းပ၏။ ငါ့အရှင်မြတ် ဤတောင်မကြီးတွင် ကိန်းဝပ်တော်မူရလေတော့မည်ဟု မင်းကြီးဆိုသည်ကို အစွဲပြု၍ ရှင်တောင်မ ကိုယ်တော်ကြီးဟု ခေါ်ဝေါ် ပြောဆိုကြကုန်၏။ ယခု ရှင်မတောင်ဘုရားသည် ခေတ်အခြေအနေအရ ပုခန်းကြီးမြို့၊ စည်သူရှင်လိုဏ်မှာ ကိန်းဝပ်တော်မူ၏။
----------------------------------------------------x-------------------------------------------------------
ကမ္ဘာ့အံ့ချီးဘွယ် ရွှေကူတံကဲတော်
စာဖြင့်သီကုံးဘို့တောင်မလုံလောက်အောင် ထူးကဲအံ့သြစရာ တံကဲတော်နဲ့ပတ်သက်ပြီး တံကဲတော် ဦးတေနဲ့ ဖခင်ဖြစ်သူ ပန်းပုဆရာကြီး ဦးကံကြီးတို့ကို ချီးမွမ်းလေးစားစရာပင်။ ရွှေကူမြတ်စွာဘုရားကြီး အတွင်းရှိ တံကဲတော်ကြီးကို ရွှေကူတံကဲဟု ခေါ်ဆိုကြပါတယ်။ ၅ပေ၂လက္မရှိ မတ်ရပ်ကိုယ်တော်ကြီး ရှေ့မှာ အမြင့် ၁၂ပေ၁၀လက္မ၊ အကျယ် အလျား ၅ပေ၁၀လက္မရှိတဲ့ သစ်သား တံကဲတော်ကြီးဖြစ်ပါတယ်။ ထုမှာ ၆လက္ခရှိပြီး ယမနေသားနဲ့ ထုလုပ်ထားခြင်းဖြစ်ပါတယ်။ ဇာတ်ခန်းလေးခန်းဖြစ်သော ဒေ၀ါရောတဏဇာတ်၊ နေမိဇာတ်၊ သာဓိနဇာတ်၊ ဗိမ္ဗိသာရဇာတ်တို့ကို အသက်ဝင်အောင် ထုလုပ်ထားခြင်းပင်။ စုစုပေါင်း လူရုပ် ၁၃၆ရုပ်၊ ငှက်+တိရိစ္ဆာန် ၁၈ရုပ်တို့ ပါဝင်ထုလုပ်ထားပါသည်။
ရွှေကူတံကဲတော်
သရုပ်ဖော်ထားသော ရွှေကူတံကဲတော်ရုပ်စုံ
ပခုက္ကူဒေသသည် ပျူခေတ်အကြိုမှစပြီး မြန်မာဘုရင်အဆက်ဆက်တို့၏ လက်ထက်များတွင် ယဉ်ကျေးမှုမျိုးစုံ ထွန်းကား ပေါ်ထွန်းခဲ့ရာ ဒေသကြီးဖြစ်၏။ ထိုတံကဲတော်ကြီး ဖြစ်ပေါ်လာစေရန် တံကဲအလှူရှင်မှ ပန်းပုဆရာကြီးအား လက်ခငွေ ၄၀၀၀ကျပ်ပေးပြီး လုပ်ငန်းအပ်နှံခဲ့ခြင်းခဲ့သည်။ ပန်းပုဆရာကြီး ဦးကံကြီးနှင့် သားဖြစ်သူ မောင်တေတို့သည် အချိန် ၄-နှစ်ကြာ ကြိုးစားထုလုပ်ခဲ့ကာ ၁၉၀၈-ခုနှစ် တန်ပေါင်းလဆုတ် ၃-ရက်နေ့တွင် တံကဲတော်ကြီး ထုလုပ်ပြီးစီးခဲ့ခြင်းဖြစ်ပါသည်။ ပန်းပုဆရာကြီး ဦးကံကြီး၏ဖခင် ဆရာရှိန်းသည်၊ မင်းတုန်းမင်း၏ ပန်းပုပညာရှင် တစ်ဦးဖြစ်လေသည်။ ၁၉၄၆-ခုနှစ်တွင် စေတနာ သဒ္ဓါတရားထက်သန်လှသူ တံကဲအလှူရှင် ဦးဟင်းဝါး ဇနီးဒေါ်ဇီးဇံ၊ သမီးမယ်သစ်၊ မယ်မြစ်တို့မှ ဆေးချယ် မွမ်းမံစေခဲ့သည်။

ရွှေကူမြတ်စွာ တံကဲတေးထပ်
ရှုမြင်လျှင် ဘ၀င်အေး၊ ရွှင်ရွှင်ဆေးတမူ။
ရွှေကူဘုရား တံကဲတော်ရယ်၊ အံ့အဲစဖွယ်ထူးဆန်း။
ဇာတ်တော်ပေါင်းများစွာစုံသည်၊ ကျက်သရေဂုဏ်အခန်းခန်း။
ရှုသူတိုင်း စိတ်အစဉ်၊ အလွန်ကျင်အံ့ဘနန်း။
ဆန်းအနု အယဉ်တွင်၊ ဤလူ့တခွင် စံမရှိပါဘူး။
အမြန်ယခုလာရောက်ကာပင်၊ ရှုစားစေချင်။
ဒါယကာ့ ကုသိုလ်ရှင်မှာ၊ သဒ္ဓါကြည်လင် ဒေါ်ဇီးဆံနှင့်။
ပုညလျှံသစ် ဒေါ်မြစ်ခေါ်တွင်၊ ကျောင်းအစ်မပင်။
ပညာရှင်ပန်းပုကျော်မှာ၊ ဦးကံကြီး ကိုတေ နှစ်ဖေါ်တို့ပေတဲ့လေး။

ကိုယ်စိတ်နှစ်ပါး ကြည်လင်အေးမြ ချမ်းသာသုခနဲ့ပြည့်ဝကြပါစေ။

မေတ္တာဖြင့်
အန်တီတင့်

ခဏစောင့်ပါ...

 
©2012 အန်တီတင့်၏ အမှတ်တရလေးများ | Design by Mozz