27.9.25
အစကတည်းက ရှိနေသော ဟိုဘက်ကမ်း
မဂ္ဂသစ္စာကား လှေနှင့်တူ၏၊ ဟိုဘက်ကမ်းကိုရောက်အောင် လှေဖြင့်သွားသလိုဖြစ်သည်။
လှေနှင့်ဟိုဘက်ကမ်းတွင် ဟိုဘက်ကမ်းဖြစ်အောင် လှေကလုပ်သည် မဟုတ်၊ ရှိပြီးဖြစ်သော ဟိုဘက်ကမ်းကို ရောက်အောင်
လှေဖြင့် သွားခြင်းသာလျှင်ဖြစ်၏။
ထို ၂-မျိုးတွင် လှေကအကြောင်း၊ ဟိုဘက်ကမ်းက အကျိုးဟု ခွဲခြား၍ မရသလို၊ မဂ္ဂကအကြောင်း၊ နိရောဓက အကျိုးဟု ခွဲခြား၍မရ။
လှေဆိုတာ ဖြစ်စေတတ်တဲ့ ဇနက- နိဗ္ဗတ္တက အကြောင်းမျိုး မဟုတ်၊ ရောက်စေတတ်တဲ့ “သမ္ပာပက” အကြောင်းမျိုးသာဖြစ်သည်၊
ထို့အတူ မဂ္ဂသစ္စာသည်လည်း နိဗ္ဗာန်ကို ဖြစ်စေတတ်တဲ့ ဇနက- နိဗ္ဗတ္တက အကြောင်းမျိုးမဟုတ်၊ ရောက်စေတတ်တဲ့ “သမ္ပာပက” အကြောင်းမျိုးဟူ၍သာ ဆိုလို့ရသည်။
တဖန်လည်း နိဗ္ဗာန်ဟာ အကျိုးတရားဆိုလျှင် အကြောင်းတရား ရှိရဦးမည်၊ အကြောင်းပျက်တဲ့အခါ အကျိုးတရား နိဗ္ဗာန်လည်း ပျက်ရပေဦးမည်။
နိဗ္ဗာန်က ထိုသို့ပျက်သည့်တရား မဟုတ်၊ အမြဲရှိသော တရား၊ နိစ္စ၊ ဓု၀၊ သဿတ တရား။
အကြောင်းမရှိတဲ့တရား၊ ထို့ကြောင့် အပစ္စယ၊ (ဥပါဒ်-ဌီ-ဘင်) အနေနဲ့ ဖြစ်တာ မဟုတ်တဲ့အတွက် အပဝတ္တ၊ အဇာတိ၊ ဘယ်သူမှ ပြုပြင်တာ မဟုတ်လို့ အသင်္ခတ။
ပျက်စရာ သေစရာ မရှိတဲ့အတွက် အမတ၊ အတ္တမဟုတ်တဲ့အတွက် အနတ္တ၊ ချမ်းသာတကာ့ ချမ်းသာ အစစ်ကြီး ဖြစ်တဲ့အတွက် သုခသာဖြစ်သည်။
(တစ်ဘ၀သာသနာမှ ကောက်နှုတ်ချက်)
သာဓု သာဓု သာဓု
🙏🙏🙏
မေတ္တာဖြင့်
တီတင့် (၂၇-၉-၂၀၂၅)
ခဏေစာင့္ပါ...