2.11.26
သမဇီဝီတရား ၄-ပါး (၄၄-နှစ်တိုင်ခဲ့ပြီ)
ဂေါတမမြတ်စွာဘုရားရှင်က နကုလပိတာနှင့် နကုလမာတာတို့ ဇနီးမောင်နှံနှစ်ဦးကို သံသရာဘဝအဆက်ဆက် (ဘဝပေါင်း ၅၀၀ တိုင်အောင် မိဘ၊ ဆွေမျိုး၊ ဇနီးမောင်နှံအဖြစ်) မကွဲမကွာ အတူတကွ ပေါင်းဖက်ရခြင်း၏ အကြောင်းရင်းကို "သမသဒ္ဓါ၊ သမသီလ၊ သမစာဂ၊ သမပညာ" ဟူသော တရားလေးပါး တူညီကြခြင်းကြောင့်ဟု ဟောကြားတော်မူခဲ့သည်။
ထိုတရားလေးပါးမှာ အောက်ပါအတိုင်း ဖြစ်ပါသည်။
၁။ တူမျှသော သဒ္ဓါတရား ရှိခြင်း (သမသဒ္ဓါ)
ဇနီးမောင်နှံနှစ်ဦးစလုံးသည် ရတနာသုံးပါး၊ ကံနှင့် ကံအကျိုးအပေါ် ယုံကြည်ကိုးစားမှု (သဒ္ဓါတရား) တူညီကြရသည်။
၂။ တူမျှသော အကျင့်သီလ ရှိခြင်း (သမသီလ)
နှစ်ဦးသားသည် ငါးပါးသီလ အစရှိသော သီလများကို လုံခြုံစွာ ဆောက်တည်ကြပြီး အကျင့်သီလ စောင့်ထိန်းမှုချင်း တူညီကြရသည်။
၃။ တူမျှသော ပေးကမ်းစွန့်ကြဲမှု ရှိခြင်း (သမစာဂ)
ဒါနပြုရာတွင် နှစ်ဦးစလုံး ရက်ရောမှု၊ စွန့်ကြဲလှူဒါန်းလိုစိတ် (စာဂ) တူညီကြရသည်။ စိတ်တူကိုယ်တူ ပေးကမ်းကြရသည်။
၄။ တူမျှသော အသိဉာဏ်ပညာ ရှိခြင်း (သမပညာ)
လောကီဉာဏ်ပညာသာမက တရားသဘောကို သိမြင်နိုင်သော ဝိပဿနာဉာဏ်၊ မဂ်ဉာဏ် ဖိုလ်ဉာဏ်အထိ အသိဉာဏ် ပညာချင်း တူညီကြရသည်။
မြတ်စွာဘုရားက ဤတရားလေးပါးနှင့် ပြည့်စုံလျှင် ထိုဇနီးမောင်နှံတို့သည် ယခုဘဝတွင်လည်း အချင်းချင်း ချစ်ခင်စွာ ရှုမြင်ကြရသကဲ့သို့ နောင်တမလွန်ဘဝ သံသရာတိုင်အောင်လည်း အချင်းချင်း ဆုံတွေ့ပေါင်းဖက်ကြရသည်ဟု ဟောကြားတော်မူခဲ့ပါသည်။
သာဓု သာဓု သာဓု
🙏🙏🙏
မေတ္တာဖြင့်
တီတင့် (၂-၁၁-၂၀၂၆)
*** ၄၄-နှစ်မြောက် ကျောက်မျက်မှာ ဥဿဖရား (Topaz) ဖြစ်ပြီး၊ အချို့သော အယူအဆများတွင် စိမ်းပြာ ကျောက် (Turquoise) ကိုလည်း သတ်မှတ်ကြသည်။ ဤကျောက်မျက်များသည် သစ္စာရှိမှု၊ ကြည်လင်ပြတ်သားမှုနှင့် တည်ငြိမ်ရင့်ကျက်သော မေတ္တာတရားကို ကိုယ်စားပြုသည်။
ခဏေစာင့္ပါ...